FELLOWSHIP OF CHURCHES

Central Area Khrihfabu hi Chin Baptist Churches USA (CBCUSA) chungtel Khrihfabu 28 fawnh i a dir timi a si. Central Area Khrihfabu hi US ramchung State (4) chung i a ummi Khrihfabu an si. Cu State pali hna cu: Indiana State, Kentucky State, Michigan State, le Ohio State an si.

​

Indiana State chungah Central Area Khrihfabu (14) an um i cu hna cu; Kentucky State ah Khrihfabu (7), Michigan State ah (6), le Ohio State ah (1) an si hna.

​

2022 milu kan relnak ahcun Central Area Khrihfabu ah member 13,279 (thong hlei nga deng mang) kan um. CBCUSA chungtel dihlak I cheu thum cheukhat si dawh kan si.

​

Central Area Khrihfabu chungtel ah member 3000 cung a phanmi Khrihfabu pahnih an um; Indiana Chin Baptist Church le Chin Evangelical Baptist Church an si. Zophei Baptist Church hi member 1500 le 2000 kar a ngeimi Khrihfabu an si. Member 1,000 dengmang a ngeimi Khrihfabu hi Emmanuel Chin Baptist Church a si i member 500 cung a phan cangmi hi Chin Christian Church a si.

​

Cu lawng si rih loin, Central Area Khrihfabu ah member 300 – 500 kar Khrihfabu pahnih le member 200 – 300 kar Khrihfabu paruk kan um. Cun Khrihfabu member 100 – 200 kar pasarih kan um i 1-100 tiang pali kan um.

​

Central Area Khrihfabu chungah pastor (38) kan um i ordained a hmu cangmi (30) kan si i, a hmu rih lomi (8) an si. Nu pastor (2) an i tel I Rev. Sarah Ngun Doi Fam le Pastor Biak Tha Hnem an si hna. Khrihfabu 28 chung ah cun senior pastor (18) an um (Pastor pakhat lawng umnak Khrihfabu i pastor kha senior ah relchih a si). Senior pastor dirhmun a tlai rih lomi senior pastor bawmtu pastor (20) an um. Pastor a ngei rih lomi Khrihfabu (8) kan um i Kentucky ah (3), Indiana ah (4) le Michigan ah (1) an si. Pastor a ngei rih lomi Khrihfabu hna cu dikon nih an hruai chung hna.